Bug-at nga desisyon ang gipili
Aron maharuhay ang kinabuhi
Bisan kamingaw ang maong bugti
Molampos lang sa gilatayang pisi.
Ang mga gibati sa kaugalingon
Kini dili nimo panumbalingon
Alang sa imong mga biniyaan
Antoson mo na lang kining tanan.
Dili tiaw-tiaw ang paglangyaw
Hataas nga dalan imong ginalakaw
Madag-umon man ang imong nahagdaw
Malantaw mo rang bidlisiw sa adlaw!
Nahisama ka sa piniriso
Didto sa hawla nagpuyo
Uhaw sa duaw sa mga mahal mo
Mainit nga pagbating daw kalayo.
Sa pag-inusara sa kagabhion
Giihap mong mga bitoon
Dungan sa pagkislap ikaw miingon
Usa kaninyo ako rang maangkon... puhon...
Dili gayod sayon imong pagbiya
Apan kalisdanan ibaliwala
Pag-ampo nga'ng Diyos na ang bahala
Inubanan sa kakugi'g mga paninguha.
Ma inspired man sad tag suwat og poem. Hugot kaau og mga line ang author oi .!
ReplyDeletehope nga naa pa daghan ing ani nga blogs para makatabang sa mga studyante.