Ania na sab ta sa atong tagboanan
Ang palibot hilom, kita lang duha
Gihawiran mong kamot ko,
Ang kainit mo nabati ko
Atong nasabtan mao kini ang katumanan.
Busa mobiya ba gayud ako
Kung ang mga damgo mo
Mao usab ang mga damgo ko
Himoon tang duha niining gabii
Sa paghimaya sa atong gugma.
Kanunay kong gihandum
Kini nga kagahapon
Nga molungtad hangtud sa hangtud
Ug ang tanang kamingaw ko kanimo mahanaw
Kung mahibalik na sa imong kiliran
Imo untang kanunay mahinumduman, Ikaw lamang.
Mao kini nga kagabhion sa kalipay atong pun-on
Magsayaw kitang duha nga morag wala nay ugma
Ang mga bitoon ug ang buwan
Mga saksi nga magmatuod sa atong mga saad.
Aron nga bisan asa pa ikaw moadto
Dali kang makit-an sa akong mga damgo
Ug didto tua ka, magkuyog kitang duha.
Lyrics & Chords:Ikaw Lamang
0 comments:
Post a Comment