Maoy sumbong ning akong dughan
Ikaw ang akong unongan
Sa kasakit o kapiskay
Sa kalisud o sa tumang kalipay.
Maoy hunghong ning akong dughan
Ikaw maoy katumanan
Mga damgo sa kanhiay,
Karon, hangtud sa ikamatay.
Tan-awa pag-ayo
Ang putli nakong paghigugma
Nga gitagana
Ko lang kanimo, Pinalangga.
Sud-onga pag-ayo'ng
Kalipay sa'kong mga mata
Nga maoy bunga
Sa imong gugma, Pinalangga.
Kung matapos na
King kinabuhi ko
Wala akoy mahayan
Kay ikaw, ako man.
0 comments:
Post a Comment