Ang Gugma©

Ang gugma
Kung moabot na's kinabuhi
Kinsa ba gud ang magdumili
Pagtagamtam s'yang kalami?

Molanay
Ang kasingkasing nga nigahi
Mobuklad
Sama sa nainitan
Sa adlaw nga bulak.

Mao karon
Ang gibati niining dughan
Sukad nga ikaw akong nakit-an
Pasayloa kung kasingkasing ko
Nadani sa kaanyag mo
Ikaw na tingali
Ang binuhat alang kanako.

Dili balihon
Ko'ng mga kasakit
Kung makauban ikaw Pinangga sa hingpit
Apan pagkapait palandungon
Kung mahilayo sa imong pahiyom
Ikaw na gyud tingali
Ang gitagana alang kanako.

Kini karon
Ang gibati niining dughan
Sukad nga ikaw akong nakit-an
Maong pagkapait palandungon
Kung mahilayo sa imong pahiyom
Ikaw na gyud tingali
Ang gitagana alang kanako.