Gibati ko karon ang kalaay Dinhi sa opisina nagtulo ang laway Nagamug-ot akong panagway Buot makig-hadla sa mga panuway.
Gilingaw ko nalang akong kaugalingon Aron sa kalaay dili ako maulipon Dakong bugno nga akong sagubangon Nga angayan kong pagabuntugon.
Pastilan, pastilan, pastilan ang kinabuhi Kinahanglan mag-antos aron mabuhi Apan ngano man usab ang kinabuhing hayahay Kulang sa katam-is, kulang usab sa kalipay...
Tibuok adlaw nga nakig-atbang Sa mando og sugo nagpaabot lang Nagsulat aron panahon di masayang Inig singgit sa amo aron di usab makugang.
Kalaay og kamingaw ang kontra Kung magpadaog, magpaulipon ka Lamyon ka niini og ikaw matumba Makawang lang ang imong paninguha.
Sa nangaging mga adlaw Kaugalingon ko nagpakalingaw Wala na panumbalinga Ang akoang tumang kamingaw Nahikatulog nga pagbati pirmi nang gatukaw.
Walay oras nga giusikan Matag hagtok sa orasan Dunay mga pulong akong gibuhian
Walay oras nga giusikan Matag pitik sa akong dughan Lain-laing mga mugna ang mahuna-hunaan.
Wala ko gayod kini mabantayi Ang pagsubang sa adlaw og pagsalop niini Didto sa akong lawak lamang ako nagpakabuhi Sa paglanog sa tingog, balumbong ang bugtong saksi.
Dinhi ko nakita ang kalipay Nga sa galamhan ko nakahupay Alang kaninyo kining akong ginahikay Sa kinasing-kasing og sa walay pagkalaay Tungod sa panaghigala nato nga unta molahutay.
Niadtong sayo sa kaadlawon Giandam kong akong kaugalingon Mingaw niadto ang palibot Nga daw walay gustong Manghilabot
Sa paglabay nako Sa akong mga ginikanan Walay bisan gamay'ng kasikas Akong nadunggan Buot ko mang tugawon Ang ilang paghikatulog Gipili ko na lang nga sila Dili na matandog
Sa pagbiya ko Sa among panimalay Wala ko kapugngi Ang mga luha sa pagbuhagay Daw ang lawas ko ug kasing-kasing nalanay Nangita og pwedeng kanako mosapnay
Matagtikang ko sa mga tiil Nagpangurog ang akong mga ngabil Nakahangad sa langit nakasangpit Ginoo ko, giyahi sa maong dapit!
Dili man uyon sila sa akong pagbiya Sayod ko nga kaayohan ilang gihuna-huna Ki'ng gibuhat ko, pagsupak o pagsakripisyo? Ang gipili ko, maong pagpahilayo!
Kini laging kabus lang kita intawon Mangita og mas lunhaw nga sibsibanan. Oh...
Wala ko damha ug paabota Nga mag-krus ang mga dalan ta Sa dugay nga panahong nagpakahilom ka Karon mibalik na ang atong panaghigala.
Managsama ang lumba nga atong giapilan Pakigbisog, pagsakripisyo nga hilabihan Pagsulay, kamingaw, kahingawa'g kalisdanan Ki'ng tanan buntogon aron makab-ot ang kadaugan.
Kung bation mo na'ng kahuyang og kakutas Andam kog taganang sundon ang 'mong gibaktas Saw-an ta kini, hupayon og ibanlas Aron niining kangitngit kita malingkawas!
Sayod ko nga lig-on ang imong mga dapat Madaog ang mga hagit nga kanimo misugat Dawaton mo kini bisan pa man og mabug-at Matam-is mong pahiyom kanako imong isugat!
Usa kadto ka maunos nga kagabhion Makusog ang paghampak sa hangin Mitaob ang dagat nga daw nagpanugon Sa dili paglawig sa lawod kay basin maangin.
Bisan milikay na sa nagpangamay nga alimpos Nalit-ag ako niini ug didto sa katubigan gibanlas Sa akong gidangatan buot ako nga manimalos Apan di ko na mahimo ang pag-ikyas.
Gilibutan ako sa makusog nga lilo Nakigbisog aron di mahitumpawak Dugang kusog kang Bathala ako nangayo Dungan sa makusog nga paglugapak.
Mihayag sa kalit ang akong palibot Ug didto ako sa kalit nahigmata Nasayran ko na lang ang akong pag-abot Gikang nakigbugno sa balud sa mga luha!
Thank you for visiting my "PAYAG." I'm happy that you find this among thousands of other sites available. I hope that your visit will not only give you entertainment but also some sense of what my Visayan culture is all about. If you are a Bisaya like me, I invite you to help me and other Bisdakaround the world to promote our culture and language asVisayan Filipinos. Feel free to leave any feedback here. And please, do come again. Enjoy...
I am a "Bisdak," a Bisaya who is very interested in the promotion of my culture and language through music. I am not a singer or a professional song writer (and I do not have a proper recording studio). But I really find joy in writing songs using my native language and singing them. I discovered this little "giftedness" when I left the Philippines and stayed in another country. There, I began to appreciate and take pride in my own cultural heritage as a Visayan. Since then, a great desire to promote my own culture has developed in me. The songs in this blog are simply my humble attempts in fulfilling this desire. Mabuhi ang mga Bisaya!
Abat Nga Namakak Aduna Bay Lawak Ako Adunahan Akong Hinigugma Alang Kanimo Relihiyoso Ang Gasa Ang Misyon Ang Paghinumdom Ania Ako Maghulat Kanimo Ania Na Aninipot Atoang Panaghinigugmaay Atong Sinugdanan Awit Sa Kamatayon Awit Sa Mga Bata Ayaw Isipa
Bag-ong Tuig Bahala Ka Na Bakaki Na Lang Basta Naa Ang Barkada Bay, Ako Na Lang Bisan Unsa Lang (Sa Ibabaw Ning Kalibutan) Bisdak Boy Latagaw Bulahan, Bulahan Buntagay
Dako Ang Kalainan Karon Damgo Damgo Niining Paskoha Dili Sala Di Malimtan, Dili Mapugngan Di Na Makalupad Dong, Dong, Dong
'Gai Ko Nong, 'Gai Ko Nang Gibati Mo Ang Gibati Ko Gihigugma Ta Ka Gimingaw Gimugna Kita Sa Diyos Ginamos Ginhawa Delfin Gipakyaw Gugmahanong Buwan Gugmang Inato Gugma Ug Kagawasan Gusto Ko Gyera
Ha-ha-hay-He-he-he Hapi-hapi-hapiya Harana Hunong Sa Pagpahimulos
Mag-Santa Na Lang Maghudyaka Na Kita Magsayaw Kita Mag-Unsa Na Lang Makalibog Ang Gugmang Makalibog Malipayong Pasko Mananggite (Iyo Dulfo) Matuod Tang Gugma Matam-is Tang Kagahapon May Gamayng Balay Sa Bungtod Mibalik Na Ako Mobalik Dayon Ako Mouban Kanimo (Uban Kanimo) Mubo Lamang
Nabuhi Ka, Nabuhi Ako Nag-Inusarang Kalibutan Nag-Ow Nagpakatawo Sa Tanan Nahinangop Sa Imong Pagbalik Nainlab O Nailad Namalandong Ka Ba Naunsa Ba Ning Makauyab Ta Og Gwapa
Padaygan Ikaw Pagasundon Ko Ikaw Pagkausab Panahon Sa Tanan Panamilit Pas-anon Kong Kalibutan Pasko Sa Among Baryo Pasko Sa Pobre Ug Dato Pauli Na Payag Pinalangga Pinas-Ko-Han-Ko
